Thursday, June 21, 2007

ദേവത

ചിറകടികളുടെ ദേവതയുണ്ടെന്‍
ചിറകില്‍ വാനം ചുറ്റിയടിക്കാന്‍
കൂടുണ്ടാക്കാന്‍ കൂടിന്‍ ദേവത
കൂടെ. കൂവാന്‍ തൂവല്‍ മിനുക്കാന്‍-
മുട്ടയിടാന്‍ പുഴു കൊത്തിവലിക്കാന്‍
ഒക്കെയതാതിന്‍ ദേവത. കഷ്ടം !

കൊക്കു വലത്തോട്ടൊന്നു ചെരിച്ചാ-
ലപ്പോഴുമെത്തുമതിന്റെ ദേവത
തൂത്തു കുടഞ്ഞാലതിന്റെ,യിണയെ-
ക്കൊക്കിവിളിക്കുകപോലും വിഷമം.

സ്വത്വമിതിങ്ങനെ പാഴായ്‌,
പാമ്പിന്‍ ‍പൊത്തില്‍
തല വെച്ചപ്പോള്‍
മൃതിദേവത!

3 comments:

Kuzhur Wilson said...

ഒടുവില്‍ വന്നല്ലോ ?
എത്ര കാലമായി കാത്തിരിക്കുന്നു പ്രിയ കവീ, ബൂലോകത്ത്

ഇതു എത്ര യാത്രകളില്‍ ഒരുമിച്ച് വായിച്ചിരിക്കുന്നു. ഇന്ന് ഇതു ഇവിടെ കണ്ട രാത്രിക്കു ഒരുമ്മ.

മന്നത്തെക്കാവടി വേഗം പോരട്ടെ

Anonymous said...

ദേവതാരാമം ... !

ശ്രീകുമാര്‍ കരിയാട്‌ said...

asuratha kaamam... .......!