Saturday, June 23, 2007

പാമ്പോ കുയിലോ

തൊണ്ടയില്‍ കുയില്‍ക്കുഞ്ഞു
കുടുങ്ങിമരിച്ചതു
കണ്ടതു ഞാന്‍
ഉച്ചക്കങ്ങനെയുലാത്തുമ്പോള്‍

ആരുടെ മരണമാ-
ണവിടെ നടന്നതെ-
ന്നോരുവാന്‍ വെയിലെന്നെ
സമ്മതിച്ചതുമില്ല.

ജപ്പാനില്‍ സെന്‍ ബുദ്ധിസ്റ്റ്‌ കവിത ചീന്തും പോലെ
പക്ഷിസര്‍പ്പത്തിന്‍ ചിത്രം ആര്‍ട്ടിസ്റ്റ്‌ വരക്കും പോല്‍
എന്നൊക്കെ പറയുവാന്‍
വയ്യാത്തവിധം മൃതി-
യത്ര സൂക്ഷ്മവും
അരൂപവുമായിരുന്നു

ഇലകള്‍ കൊണ്ടു മൂടിമൂടിയകന്നു എല്ലാം.

എവിടെ നടന്നതെന്നറിയാന്‍
വയ്യാത്തത്രയിലകള്‍
രു മരം പോലുമില്ലാതെ
പെയ്തു.

തൊടിയില്‍
ഉലാത്തുന്നുണ്ടിപ്പൊഴും
ഞാനെന്നെന്റെ
ഒമ്പതാം തലമുറക്കുട്ടികള്‍ പറയുന്നു

കുയിലും പാമ്പും ചേര്‍ന്നൊരെല്ലിന്റെ
പദപ്രശ്നം
വഴിയില്‍ത്തിളങ്ങുമ്പൊ-
ളവരും ഉലാത്തുന്നു

ആരുടെ മരണമാണവിടെ നടന്നതെ-
ന്നോരുവാന്‍ വെയിലൊട്ടും സമ്മതിച്ചതുമില്ല.

3 comments:

Anonymous said...

ജപ്പാനില്‍ സെന്‍ ബുദ്ധിസ്റ്റ്‌ കവിത ചീന്തും പോലെ
പക്ഷിസര്‍പ്പത്തിന്‍ ചിത്രം ആര്‍ട്ടിസ്റ്റ്‌ വരക്കും പോല്‍
എന്നൊക്കെ പറയുവാന്‍
വയ്യാത്തവിധം മൃതി-
യത്ര സൂക്ഷ്മവും
അരൂപവുമായിരുന്നു

sundaravum gahanavum..

ushakumari said...

ഇഷ്ടമായി

Sunitha P M said...

കുയിലും പാമ്പും ചേര്‍ന്നൊരെല്ലിന്റെ
പദപ്രശ്നം
വഴിയില്‍ത്തിളങ്ങുമ്പൊ-
ളവരും ഉലാത്തുന്നു

ആരുടെ മരണമാണവിടെ നടന്നതെ-
ന്നോരുവാന്‍ വെയിലൊട്ടും സമ്മതിച്ചതുമില്ല.

വരികളുടെ പശ്ചാത്തലം അറിഞ്ഞേപാൾ കവിതയ്ക്ക് മിഴിേറി.